ଜୀବିତ ମା'କୁ ମୃତ ଦର୍ଶାଇ ଜମି ହଡ଼ପ ଘଟଣା, ୧୮ ଦିନ ପରେ ଆରଆଇଙ୍କ ନାମରେ ମାମଲା, ଗିରଫ ଦାବି
ଅଭିଯୋଗ ଅନୁଯାୟୀ, ଆଇଶା ବିବିଙ୍କ ନାମରେ ଥିବା ଖାତା ନମ୍ବର-୧୧୨୬/୫୮ରେ ପ୍ରାୟ ୧୪ ଡିସିମିଲ ଘରବାଡ଼ି ଜମି ଓ କୋଠାଘର ରହିଛି। ତାଙ୍କୁ ମୃତ ଦର୍ଶାଇ ତାଙ୍କ ଦୁଇ ପୁଅ ଉକ୍ତ ସମ୍ପତିକୁ ନିଜ ନାମକୁ କରାଇ ନେଇଥିବା ଅଭିଯୋଗ ହୋଇଛି। ଏଥିପାଇଁ ୨୦୨୫ ମସିହାରେ ଏକ ଘୋଷଣାନାମା ଦାଖଲ କରାଯାଇ ଆଇଶା ବିବି ୪୦ ବର୍ଷ ପୂର୍ବରୁ ମୃତ୍ୟୁବରଣ କରିଥିବା ଦର୍ଶାଯାଇଥିଲା। ସମ୍ପୃକ୍ତ ଆରଆଇ ପ୍ରକାଶ ମଲ୍ଲିକ କ୍ଷେତ୍ର ତଦନ୍ତ ନକରି ମହିଳା ମୃତ ବୋଲି ରିପୋର୍ଟ ପ୍ରଦାନ କରିଥିବା କଥା ସ୍ୱୀକାର କରିଥିବା ଅଭିଯୋଗ ହୋଇଛି। ଏହି ରିପୋର୍ଟକୁ ଆଧାର କରି ଘରବାଡ଼ି ଜମିର ରେକର୍ଡ ପରିବର୍ତନ କରାଯାଇଥିବା ଜଣାପଡ଼ିଛି।
1/8/2026
