ଚେନ୍ନାଇ,୧୮ ଜୁନ -  ତାମିଲନାଡ଼ୁରେ ମୁଖ୍ୟମନ୍ତ୍ରୀ ବିଜୟଙ୍କ ନେତୃତ୍ୱାଧୀନ ସରକାର କ୍ଷମତାକୁ ଆସିବା ପରେ ତାମିଲାଗା ଭେଟ୍ରି କାଜାଗମ ସରକାରଙ୍କ ପ୍ରଥମ ବିଧାନସଭା ଅଧିବେଶନ ଆଜିଠାରୁ ଆରମ୍ଭ ହେବ। ତାମିଲାଗା ଭେଟ୍ରି କାଜାଗମ ସରକାର ଗଠନ ହେବା ପରଠାରୁ ସମଗ୍ର ତାମିଲନାଡୁରେ ଯୌନ ନିର୍ଯ୍ୟାତନା ଘଟଣା ବୃଦ୍ଧି ପାଇଛି ବୋଲି ଅଭିଯୋଗ କରି ଡିଏମକେ ସମେତ ବିରୋଧୀ ଦଳମାନେ ବିଧାନସଭାରେ ଏହି ପ୍ରସଙ୍ଗ ଉଠାଇବାକୁ ପ୍ରସ୍ତୁତ ହେଉଛନ୍ତି।

 

ତାମିଲାଗା ଭେଟ୍ରି କାଜାଗମ ସରକାରଙ୍କ ପ୍ରଥମ ବିଧାନସଭା ଅଧିବେଶନ ଆଜି ସକାଳ 10ଟାରେ ଅନୁଷ୍ଠିତ ହେବ। ରାଜ୍ୟପାଳ ଆର୍ଲେକର ବିଧାନସଭାରେ ତାମିଲନାଡ଼ୁ ସରକାରଙ୍କ ଦ୍ୱାରା ପ୍ରସ୍ତୁତ ଅଭିଭାଷଣ ପାଠ କରିବେ। ଏହାପରେ ରାଜ୍ୟପାଳଙ୍କ ଅଭିଭାଷଣର ତାମିଲ ଅନୁବାଦକୁ ବାଚସ୍ପତି ପାଠ କରିବେ। ଏହାପରେ ବାଚସ୍ପତିଙ୍କ ଅଧ୍ୟକ୍ଷତାରେ ବ୍ୟବସାୟ ପରାମର୍ଶଦାତା କମିଟି ବୈଠକ କରିବ ଏବଂ ବିଧାନସଭା ଅଧିବେଶନ କେତେ ଦିନ ଚାଲିବ ତାହା ଘୋଷଣା କରାଯିବ। ଏହା ପରେ ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଉପରେ ଆଲୋଚନା ହେବ। ଆଲୋଚନା ଶେଷ ହେବା ପରେ ମୁଖ୍ୟମନ୍ତ୍ରୀ ବିଜୟ ଏହାର ଉତ୍ତର ଦେବେ।