ଅଙ୍କାରା, ୨୨ ଅଗଷ୍ଟ - ତୁର୍କିଏ ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କ ବିରୋଧରେ ଇଂଟରପୋଲ ରେଡ୍ ନୋଟିସ୍ ଜାରି କରିବାକୁ ଦାବି କରିଛି। ଅଙ୍କାରାର ଅଭିଯୋଗ ହେଉଛି ଯେ ଗାଜାରେ କଥିତ ନରସଂହାର ଏବଂ ମାନବତା ବିରୋଧୀ ଅପରାଧ ପାଇଁ ନେତନ୍ୟାହୁ ଦାୟୀ। ତୁର୍କିଏ ଏବଂ ଇସ୍ରାଏଲ ମଧ୍ୟରେ ବଢ଼ୁଥିବା ଉତେଜନା ମଧ୍ୟରେ ଏହି ପଦକ୍ଷେପ ସାମ୍ନାକୁ ଆସିଛି।

ରୁଷର ଅନ୍ତର୍ଜାତୀୟ ସମ୍ବାଦ ଟେଲିଭିଜନ ନେଟୱର୍କ ରଶିଆ ଟୁଡେ (ଆରଟି) ଅନୁଯାୟୀ, ତୁର୍କିଏର ନ୍ୟାୟମନ୍ତ୍ରୀ ଅକିନ ଗୁରଲେକ ଶୁକ୍ରବାର ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ କହିଛନ୍ତି ଯେ ନେତନ୍ୟାହୁ ସେହି ୩୫ ଜଣ ଅଭିଯୁକ୍ତଙ୍କ ମଧ୍ୟରେ ଅଛନ୍ତି, ଯେଉଁମାନଙ୍କୁ କାର୍ଯ୍ୟକର୍ତାମାନଙ୍କ ଦ୍ୱାରା ପରିଚାଳିତ ଗ୍ଲୋବାଲ ସୁମୁଦ ଫ୍ଲୋଟିଲା' ସହ ଜଡ଼ିତ ମାମଲାରେ ବାଞ୍ଛିତ ଘୋଷଣା କରାଯାଇଛି। ତୁର୍କିଏ ଏହି ମାମଲାରେ ନରସଂହାର, ମାନବତା ବିରୋଧୀ ଅପରାଧ, ନିର୍ଯାତନା, ବେଆଇନ ଭାବେ ସ୍ୱାଧୀନତା ଛଡ଼ାଇ ନେବା, ପରିବହନ ଯାନକୁ ହାଇଜ୍ୟାକ୍ କରିବା ଏବଂ ସମ୍ପତିକୁ କ୍ଷତି ପହଂଚାଇବା ଭଳି ଅଭିଯୋଗ ଲଗାଇଛି।

ଇଂଟରପୋଲ ରେଡ୍ ନୋଟିସ୍ ସଦସ୍ୟ ଦେଶଗୁଡ଼ିକର ପୁଲିସକୁ କୌଣସି ବାଞ୍ଛିତ ବ୍ୟକ୍ତିଙ୍କୁ ଖୋଜିବା ଏବଂ ସମ୍ପୃକ୍ତ ଦେଶର ଆଇନ ଅନୁଯାୟୀ ତାଙ୍କୁ ଅସ୍ଥାୟୀ ଭାବେ ହେପାଜତରେ ନେବା ପାଇଁ ଅନୁରୋଧ ହୋଇଥାଏ। ତେବେ, ରେଡ୍ ନୋଟିସ୍ ନିଜେ ଅନ୍ତର୍ଜାତୀୟ ଗିରଫ ପରୱାନା ନୁହେଁ।

ଗୁରଲେକ କହିଛନ୍ତି ଯେ ଗାଜାରେ କାର୍ଯ୍ୟାନୁଷ୍ଠାନ ପାଇଁ ଦାୟୀ ଲୋକମାନଙ୍କୁ ଉତରଦାୟିତ୍ୱରୁ ବଂଚିତ ହେବାକୁ ଦିଆଯାଇପାରେ ବୋଲି ତୁର୍କିଏ ସ୍ୱୀକାର କରେ ନାହିଁ। ସେ ନେତନ୍ୟାହୁ ସରକାର ଉପରେ ଗାଜାରେ ନରସଂହାରର ନୀତି ଆପଣାଇଥିବାର ଅଭିଯୋଗ ଲଗାଇଛନ୍ତି।