ଖାଦ୍ୟ ସୁରକ୍ଷା ନିୟମ ଉଲ୍ଲଙ୍ଘନ ଉପରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବ ଏଫ୍ଡିଏ

ମୁମ୍ବାଇ, ୨୨ ଅଗଷ୍ଟ(ହି.ସ.) – ମହାରାଷ୍ଟ୍ର ଖାଦ୍ୟ ଏବଂ ଔଷଧ ପ୍ରଶାସନ(ଏଫ୍ଡିଏ) ଖାଦ୍ୟ ସୁରକ୍ଷା ଏବଂ ସ୍ୱଚ୍ଛତା ନିୟମର ଗୁରୁତର ଉଲ୍ଲଂଘନ ପାଇଁ ରାଜ୍ୟର ୧୩ଟି ଖାଦ୍ୟ ପ୍ରତିଷ୍ଠାନର ଲାଇସେନ୍ସ ଏବଂ ପଞ୍ଜୀକରଣ ପ୍ରମାଣପତ୍ରକୁ ନିଲମ୍ବିତ କରିଛି। ରାଜ୍ୟର ବିଭିନ୍ନ ସହରରେ କରାଯାଇଥିବା ଯାଂଚ ସମୟରେ ଖାଦ୍ୟ ସାମଗ୍ରୀର ସଂରକ୍ଷଣ, ସ୍ୱଚ୍ଛତା, ତାପମାତ୍ରା ନିୟନ୍ତ୍ରଣ ଏବଂ ପରିଚାଳନାରେ ଗୁରୁତର ତ୍ରୁଟି ପରିଲକ୍ଷିତ ହେବା ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା।

ଏଫ୍ଡିଏ ଅଧିକାରୀଙ୍କ କହିବା ଅନୁଯାୟୀ, ମୁମ୍ବାଇର କୋଲାବାର ବମ୍ବେ ପ୍ରେସିଡେନ୍ସି ରେଡିଓ କ୍ଲବ୍, ମାଲାଡର ମ୍ୟାକଡୋନାଲ୍ଡସ୍, ନୋଭାରା, ନରିମାନ ପଏଂଟରେ ଷ୍ଟାଟସ୍ ରେଷ୍ଟୁରାଂଟ, ଖାର୍ରଖାର ଜିମଖାନା, ସାନ୍ତାକ୍ରୁଜର ବଜରଙ୍ଗ ସୁଇଟ୍ ମାର୍ଟ ଏବଂ ଅନ୍ଧେରୀ ପଶ୍ଚିମରେ ଏ.ଏସ୍.ଏମ୍. ହୋଟେଲ୍ ଏବଂ ହସ୍ପିଟାଲିଟି ସର୍ଭିସେସ୍ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ନାଗପୁରର ଡିଉ ବ୍ରଦର୍ସ ଶୱର୍ମା, ନାସିକର ଅବନ୍ତୀ ସ୍ନାକ୍ସ ଏବଂ ଅମରାବତୀ ସ୍ଥିତ ପିଂଟୁ ଯାଦବ ସୁଇଟ୍ସଙ୍କ ଲାଇସେନ୍ସ ମଧ୍ୟ ନିଲମ୍ବିତ କରାଯାଇଛି। ଖାଦ୍ୟ ସୁରକ୍ଷା ନିୟମ ଉଲ୍ଲଂଘନ ପାଇଁ ଛତ୍ରପତି ସମ୍ଭାଜୀନଗର ଏବଂ ପରଭାନୀସ୍ଥିତ ଛପ୍ପନ ଭୋଗ ଥାଲି ରେଷ୍ଟୁରାଂଟ ଏବଂ ବ୍ୟାଙ୍କେ୍ୱଟ ହଲ୍, ମହାରୋ ଗାୟତ୍ରୀ ମେୱାର ପ୍ରାଇଭେଟ୍ ଲିମିଟେଡ୍ ଏବଂ ଷ୍ଟାର ବେକରୀ, ପରଭାନୀଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।

କୋଲାବାର ବମ୍ବେ ପ୍ରେସିଡେନ୍ସି ରେଡିଓ କ୍ଲବର ରୋଷେଇ ଘରେ ଯାଂଚ ସମୟରେ, ଖୋଲା ସ୍ଥାନରେ ବହୁ ସଂଖ୍ୟକ ଜୀବନ୍ତ ମାଛି, ମୃତ ତେଲାପୋକା ଏବଂ କୀଟପତଙ୍ଗ ଦେଖିବାକୁ ମିଳିଥିଲା। ଏଫ୍ଡିଏ ଅନୁଯାୟୀ, ରାସାୟନିକ ପଦାର୍ଥଗୁଡ଼ିକ ଖାଦ୍ୟ ସାମଗ୍ରୀ ନିକଟରେ ଗଚ୍ଛିତ ରଖାଯାଇଥିବାବେଳେ କିଛି ବାସନକୁସନ ସିଧାସଳଖ ଚଟାଣରେ ରଖାଯାଇଥିଲା। ଯାଂଚରୁ ଜଣାପଡ଼ିଛି ଯେ ଖାଦ୍ୟ ସୁରକ୍ଷା ଏବଂ ସ୍ୱଚ୍ଛତା ନିୟମାବଳୀର ଅନୁପାଳନରେ ୪୭ ପ୍ରତିଶତ ହ୍ରାସ ଘଟିଛି। ସେହି ଖାର ଜିମଖାନାର ଯାଂଚରୁ ଖାଦ୍ୟ ସାମଗ୍ରୀର ନିରାପଦ ସଂରକ୍ଷଣ, ଖାଇବା ତେଲର ଗୁଣବତା, ତାପମାତ୍ରା ନିୟନ୍ତ୍ରଣ ଏବଂ ପରିମଳ କ୍ଷେତ୍ରରେ ଅନେକ ତ୍ରୁଟି ଥିବା ଜଣାପଡ଼ିଥିଲା। ପରିଷ୍କାର ବାସନକୁସନ ଉପରେ ମଇଳା ପାଣି ପଡ଼ିବା, ମଇଳା ବାସନକୁସନ, ଅଟକି ରହିଥିବା ପାଣି ଏବଂ ଖାଦ୍ୟ ଅପଚୟ ଭଳି ଗୁରୁତର ଅନିୟମିତତା ମଧ୍ୟ ରିପୋର୍ଟ କରାଯାଇଥିଲା। ଏହି ତ୍ରୁଟି କାରଣରୁ ଖାର ଜିମଖାନାର ପଞ୍ଜୀକରଣ ପ୍ରମାଣପତ୍ରକୁ ସ୍ଥଗିତ ରଖାଯାଇଥିଲା।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି