ନୋଏଡା : ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଶନିବାର ନୋଏଡାର ସେକ୍ଟର-୬ ସ୍ଥିତ ଇନ୍ଦିରା ଗାନ୍ଧୀ କଳା କେନ୍ଦ୍ରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ। ଏହି ସମୟରେ ସେ ସେକ୍ଟର-୭୫ ସ୍ଥିତ ମହାଜନ ଇମେଜିଂ ଆଣ୍ଡ ଲ୍ୟାବ୍ସର ଡାଏଗ୍ନୋଷ୍ଟିକ ସେଂଟରର ଉଦଘାଟନ କରିଥିଲେ।

ଏହା ପୂର୍ବରୁ ପ୍ରତିରକ୍ଷା ମନ୍ତ୍ରୀ ନୋଏଡା ପହଂଚିବା ପରେ ମହାଜନ ଇମେଜିଂ ଆଣ୍ଡ ଲ୍ୟାବ୍ସର ଏକ୍ଜିକ୍ୟୁଟିଭ ଡାଇରେକ୍ଟର ରିତୁ ମହାଜନ ଏବଂ ଡାଇରେକ୍ଟର ହର୍ଷ ମହାଜନ ତାଙ୍କୁ ସ୍ୱାଗତ କରିଥିଲେ। କାର୍ଯ୍ୟକ୍ରମ ସମୟରେ ଶିବାନୀ ବର୍ମା କଥକ ନୃତ୍ୟର ପ୍ରସ୍ତୁତି ଦେଇଥିଲେ।

ପ୍ରତିରକ୍ଷା ମନ୍ତ୍ରୀଙ୍କ କାର୍ଯ୍ୟକ୍ରମକୁ ଦୃଷ୍ଟିରେ ରଖି ସହରରେ ସୁରକ୍ଷାର କଡ଼ା ବ୍ୟବସ୍ଥା କରାଯାଇଥିଲା। ତାଙ୍କ ସୁରକ୍ଷାରେ ବହୁ ସଂଖ୍ୟାରେ ପୋଲିସ ବଳ ମୁତୟନ ରହିଥିଲା। ଯାତାୟାତ ବ୍ୟବସ୍ଥାକୁ ସୁଗମ ରଖିବା ପାଇଁ କିଛି ମାର୍ଗରେ ରୁଟ ଡାଇଭର୍ସନ ମଧ୍ୟ କରାଯାଇଥିଲା। କାର୍ଯ୍ୟକ୍ରମରେ ସାଂସଦ ଏବଂ ପୂର୍ବତନ କେନ୍ଦ୍ରମନ୍ତ୍ରୀ ଡ. ମହେଶ ଶର୍ମାଙ୍କ ସମେତ ଅନ୍ୟାନ୍ୟ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ।