ନୂଆଦିଲ୍ଲୀ, ଅଗଷ୍ଟ 17 (ହି.ସ): ସେଣ୍ଟ୍ରାଲ୍ ବ୍ୟୁରୋ ଅଫ୍ ଇନଭେଷ୍ଟିଗେସନ୍ (ସିବିଆଇ) ଜାମ୍ମୁ କାଶ୍ମୀର ପୋଲିସର ସବ୍-ଇନ୍ସପେକ୍ଟର ଦାନିଶ ହମିଦଙ୍କୁ 10,000 ଟଙ୍କା ଲାଞ୍ଚ ନେବା ଅଭିଯୋଗରେ ଗିରଫ କରିଛି। ଅଭିଯୁକ୍ତ ଜଣକ ଜାମ୍ମୁର ଜାନିପୁର ପୋଲିସ ଷ୍ଟେସନରେ ଅବସ୍ଥାପିତ ଥିଲେ।

ସିବିଆଇ ଅନୁଯାୟୀ, ବୈବାହିକ ବିବାଦ ସମ୍ବନ୍ଧୀୟ ଏକ ମାମଲାରେ ଅଭିଯୋଗକାରୀଙ୍କ ବିରୋଧରେ ଏଫ୍ଆଇଆର୍ ପଞ୍ଜୀକୃତ ନକରିବା ପାଇଁ ଅଭିଯୁକ୍ତ ସବ୍-ଇନ୍ସପେକ୍ଟର 20,000 ଟଙ୍କା ଲାଞ୍ଚ ମାଗିଥିଲେ। ଆଲୋଚନା ପରେ ସେ 10,000 ଟଙ୍କା ଲାଞ୍ଚ ନେବାକୁ ରାଜି ହୋଇଥିଲେ।

ଅଭିଯୋଗ ଆଧାରରେ ଅଗଷ୍ଟ 16 ତାରିଖରେ ସିବିଆଇ ଏକ ମାମଲା ରୁଜୁ କରିଥିଲା। ଏହା ପରେ ଏଜେନ୍ସି ଏକ ଜାଲ ବିଛାଇଥିଲା ଏବଂ ଅଭିଯୋଗକାରୀଙ୍କ ଠାରୁ 10,000 ଟଙ୍କା ଲାଞ୍ଚ ଦାବି ଏବଂ ଗ୍ରହଣ କରୁଥିବାବେଳେ ଅଭିଯୁକ୍ତ ସବ୍-ଇନ୍ସପେକ୍ଟରଙ୍କୁ ରେଡ୍ ହ୍ୟାଣ୍ଡେଡ ଧରିଥିଲା। ଏହି ମାମଲାରେ ତଦନ୍ତ ଜାରି ରହିଛି ବୋଲି ସିବିଆଇ କହିଛି।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା