ଲଣ୍ଡନ, ୦୮ ଅଗଷ୍ଟ (ହି.ସ.)- ଆର୍ସେନାଲ ପ୍ରିମିୟର ଲିଗର ପ୍ରତିଦ୍ୱନ୍ଦ୍ୱୀ ଦଳ ନ୍ୟୁକେସଲ ୟୁନାଇଟେଡର ବ୍ରାଜିଲୀୟ ମିଡଫିଲ୍ଡର ବ୍ରୁନୋ ଗିମାରେସଙ୍କ ସହ ଚୁକ୍ତି କରିଛି । କ୍ଲବ ବୁଧବାର ସୋସିଆଲ ମିଡିଆ ଏକ୍ସରେ ଉକ୍ତ ଘୋଷଣା କରିଛି। ଗିମାରେସଙ୍କ ଆସିବାରୁ ଆର୍ସେନାଲର ମିଡଫିଲ୍ଡ ଆହୁରି ମଜବୁତ ହେବ ବୋଲି ଆଶା କରାଯାଉଛି।
ଗିମାରେସ ନ୍ୟୁକେସଲ ପାଇଁ ସମସ୍ତ ପ୍ରତିଯୋଗିତାରେ ୧୯୫ଟି ମ୍ୟାଚ ଖେଳି ୩୧ଟି ଗୋଲ କରିଛନ୍ତି। ସେ ୨୦୨୫ରେ ଦଳର ଅଧିନାୟକତ୍ୱ କରି ଲିଗ୍ କପ୍ ଟାଇଟଲ ଜିତାଇଥିଲେ ଏବଂ ନ୍ୟୁକାସଲର ଦୀର୍ଘଦିନ ଧରି ଚାଲିଆସୁଥିବା ଟ୍ରଫି ମରୁଡ଼ିକୁ ଶେଷ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥିଲେ।
ଗିମାରେସ ଫିଫା ବିଶ୍ୱକପ୍ ୨୦୨୬ରେ ବ୍ରାଜିଲ ଦଳର ମଧ୍ୟ ଅଂଶ ଥିଲେ। ସେ ଦୀର୍ଘ ସମୟ ଧରି ବ୍ରାଜିଲର ଜାତୀୟ ଦଳର ନିୟମିତ ସଦସ୍ୟ ରହିଆସିଛନ୍ତି ଏବଂ ଅନ୍ତର୍ଜାତୀୟ ସ୍ତରରେ ମଧ୍ୟ ନିଜର ଗୁରୁତ୍ୱପୂର୍ଣ୍ଣ ଭୂମିକା ନିଭାଇଆସିଛନ୍ତି।
ବ୍ରୁନୋ ଗିମାରେସଙ୍କ ଆର୍ସେନାଲକୁ ଯିବା ନ୍ୟୁକେସଲ ପାଇଁ ଏହି ଗ୍ରୀଷ୍ମରେ ଆଉ ଏକ ବଡ଼ ଝଟକା। ଏହା ପୂର୍ବରୁ ସାଣ୍ଡ୍ରୋ ଟୋନାଲି, ଆନ୍ଥନୀ ଗର୍ଡନ ଏବଂ ମୁଖ୍ୟ କୋଚ୍ ଏଡି ହୋୱେ ମଧ୍ୟ କ୍ଲବରୁ ଅଲଗା ହୋଇସାରିଛନ୍ତି।
---------------
---------------
ହିନ୍ଦୁସ୍ଥାନ ସମାଚାର / ଗଗନ
